Ապրիլի 19-ին Ցեղասպանության հիշատակի միջոցառում Լուիզիանայում

ԱՄՆ Լուիզիանա նահանգի հայերը այսօր՝ ապրիլի 19-ին, Հայոց ցեղասպանության 100-ամյակի կապակցությամբ հիշատակի միջոցառում են կազմակերպելու։ Նահանգի մայրաքաղաք Բաթոն Ռուժում՝ Սուրբ Կարապետ եկեղեցում, կմատուցվի սուրբ պատարագ, և հոգեհանգստյան արարողություն կկայանա՝ ի հիշատակ 1.5 մլն զոհերի։

«Դաշնակից տերությունները՝ Անգլիան, Ֆրանսիան և Ռուսաստանը, 1915թ. մայիսին համատեղ հայտարարություն արեցին՝ Օսմանյան կայսրությանը մեղադրելով մարդկության դեմ հանցագործության մեջ»,- նշել են միջոցառման կազմակերպիչները և հավելել, որ 100 տարի անց հայերը բախվում են Թուրքիայի ժխտողականությանը, ինչը վտանգավոր նախադեպ է ստեղծում՝ առավել հավանական դարձնելով ապագա ցեղասպանությունները։