Բհարատան Արատտայի աչքերով


21:22 , 2 ապրիլ, 2015

Հնդկաստանը համարվում է դեմոկրատական քաղաքական համակարգ ունեցող աշխարհի ամենամեծ երկիրը: Զարմանալի էր, որ նրան հաջողվել էր համատեղել աղքատությունը և դեմոկրատիան: Թերևս հենց այդ համակարգն էր, որ նրան զերծ էր պահել շատ ավելի մեծ ցնցումներից, որում կարող էր հայտնվել խայտաբղետ, բազմալեզու, բազմակրոն և սոցիալական լուրջ խնդիրներ ունեցող այդ երկիրը: Այդ քաղաքական համակարգը նա թերևս կրկնօրինակել էր գաղութարար բրիտանացիներից, բայց նաև իր հոգևոր համակարգները որոշակիորեն «դեմոկրատական» էին: Աստվածային ոգու մարմնավորող Կրիշնան, իր ունկնդիր Արջունային ներկայացնելով Տիեզերական իմաստությունը, այնուհետև ասաց մոտավորապես հետևյալը. «Հիմա դու էսքան բան իմացար, բայց գործիր՝ ոնց կուզես»: