Թուրք մոդելը նկարահանվելու է հայուհու մասին պատմող «Թամարա» ֆիլմի գլխավոր դերում

17:24 , 5 փետրվար, 2015

Թուրքական «Յըլդըզլար» ֆիլմարտադրող ընկերության ղեկավար Ումիթ Յըլդըզը հայտարարել է, որ հայուհի Թամարային նվիրված ֆիլմում գլխավոր դերը վստահվելու է թուրք մոդել Թուղբա Օզային:

Ինչպես տեղեկացնում է թուրքական լրատվամիջոցներից մեկը «Թամարա» ֆիլմի նկարահանումները մեկնարկելու են ապրիլին՝ Վանում: Կայքը տեղեկացնում է, թե ակնկալվում է, որ ֆիլմը պատրաստ կլինի թուրք-հայկական հարաբերությունների համար կարևոր համարվող հոկտեմբեր ամսին: Ֆիլմի նկարահանմանն աջակցում է նաև Թուրքիայի մշակույթի նախարարությունը:

Հայուհի Թամարայի դերակատարը նշել է, թե ուրախ է, որ դերն իրեն է վստահվել: «Այս դերը խաղալ շատ էի ուզում: Շատ երջանիկ եմ: Ֆիլմի երաժշտությունը շատ եմ հավանել: Բացի այդ, շատ ուրախ եմ, որ նկարահանումները Վանում են տեղի ունենալու: Վանը տեսնել շատ էի ուզում»,- ասել է նա: