Tert.am-ը գրում է․
Հայկական գյուղմթերքը վերջին շրջանում չի համապատասխանել ԵԱՏՄ-ի և Ռուսաստանի բուսասանիտարական պահանջներին, թեև այն դրա իրացման հիմնական շուկան է, հայտնել են «Ռոսսելխոզնադզոր»-ից։
Գերատեսչությունից հստակեցրել են, որ Հայաստանում 2019 թվականին կառավարության կառուցվածքային բարեփոխումների արդյունքում լուծարվել է գյուղատնտեսության նախարարությունը։ Գյուղոլորտի պետական քաղաքականության հարցերը դրվել են էկոնոմիկայի նախարարության վրա։
Կարելի է ենթադրել, որ Հայաստանի էկոնոմիկայի նախարարությունը չի կարողանում գլուխ հանել գյուղատնտեսության նախարարության լուծարումից հետո իրեն վերապահված լիազորություններից։
Մայիսի 30-ից «Ռոսսելխոզնադզորը» սահմանափակում է Հայաստանից պտուղ-բանջարեղենի ներկրումը, մայիսի 22-ից գործում են ծաղիկների ներմուծման սահմանափակումներ:
