Բոլոր նրանք, ովքեր Միքայել սրբազանի ազատազրկումը իբր դատապարտում են՝ պնդելով, թե նշանակված պատժաչափը անհամաչափ է, ավելի վատն են, քանի որ «խաղեր են տալիս» ու պարզապես փորձում են մի բան ասել կիսատ-պռատ որպեսզի իշխանությունը շատ չնեղվի իրենցից։
Իսկ իրենք էլ մի բան ասած լինեն ու ինչ-որ կերպ տարբերվեն սրբազանին ազատազրկած իշխանությունից:
Ասելով՝ «պատժաչափն անհամաչափ է», այդ մարդիկ սրբազանին ճանաչում են մեղավոր ու կարծես ակնարկում, որ, այնուամենայնիվ, կարելի էր ավելի կարճ ժամանակով ազատազրկել նրան կամ այլ պատիժ սահմանել։
Նման պահվածքն ու խոսույթը իմ համար ավելի եղկելի է, քան եթե ուղիղ ասեին, որ ողջունում են Միքայել սրբազանին բանտարկողին։ Դե բանտարկողին էլ գիտենք, ու գիտենք թե ինչու է բանտարկել։
Կարճ կապենք. հեռու մնացեք ձեր պիղծ խաղերով… գոնե հիմա։
Միքայել սրբազանը քաղաքական բանտարկյալ է։ Նա հետապնդվել և ազատազրկվել է քաղաքական դրդապատճառներով, ուստի պետք է անհապաղ արդարացվի և ազատ արձակվի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել