Վերջին 24 ժամում Գազայի հատվածից Իսրայելի ուղղությամբ 104 հրթիռ է արձակվել. դրանց մեծ մասն արձակել է պաղեստինյան Իսլամական ջիհադը՝ ՀԱՄԱՍ-ի փոքր մասնակցությամբ, չորեքշաբթի առավոտյան հաստատել է Իսրայելի պաշտպանության բանակը:

Ինչպես գրում է The Jerusalem Post-ը, ի պատասխան՝ Իսրայելը հակազդել է մոտավորապես 16 ավիահարվածով՝ հիմնականում ՀԱՄԱՍ-ի դիրքերին, որպեսզի խմբավորումը պատասխանատվություն կրի Գազայում տեղի ունեցողի համար:

Իսրայելի պաշտպանության բանակի խոսնակ Դանիել Հագարին ասել է, որ չնայած առավոտվա ժամը 5:30-ի սահմաններում սկսված հրադադարին, «բոլոր տարբերակները սեղանի վրա են», եթե որևէ պաղեստինյան խմբավորում լրացուցիչ հրթիռներ արձակի Իսրայելի ուղղությամբ:

Flame and smoke are seen during an Israeli air strike in in Rafah, in the southern Gaza Strip, on May 3, 2023. (photo credit: ABED RAHIM KHATIB/FLASH90)
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել