Tert.am-ը գրում է.
Բրազիլիայի բնակչուհին յոթ կիլոգրամ կշռող երեխա է լույս աշխարհ բերել, գրում է Independent-ը՝ մանրամասնելով, որ բժիշկները ստիպված են եղել կեսարյան հատում կատարել:
27-ամյա Կլիդիանա դուշ Սատուշն Ամազոնաս նահանգի հիվանդանոցում լույս աշխարհ է բերել իր որդուն՝ Անդերսոնին։ Ծնվելու պահին երեխան կշռում էր յոթ կիլոգրամ՝ մոտ 60 սանտիմետր հասակով։
Հաղորդվում է, որ տղան գերազանցել է նախկինույմ սահմանված ռեկորդը և դարձել նահանգի ամենամեծ նորածինը: Երեխայի առանձնահատկություններից ելնելով՝ բժիշկներն անհանգստանում էին, որ ծննդաբերությունը դժվար կլինի, բայց ի վերջո ամեն ինչ բարեհաջող ավարտ է ունեցել։
Մայրն իրեն լավ է զգում. նա գովել է հիվանդանոցի բուժանձնակազմին հոգատարության և ուշադրության համար։
«Ես չգիտեմ, թե ինչ կլիներ ինձ հետ, եթե նրանք չլինեին», - ավելացրեց նա: