Armenpress.am-ը գրում է.
Ռուսաստանը հուսով է, որ Վրաստանի հետ ուղիղ ավիահաղորդակցությունը շուտով կվերականգնվի, հայտարարել է ՌԴ արտաքին գործերի նախարար Սերգեյ Լավրովը։
Այս մասին «Արմենպրես»-ը տեղեկանում Է ТАСС գործակալությունից: «Հուսով եմ, որ մենք շուտով կկարողանանք վերսկսել ուղիղ ավիահաղորդակցությունը (Վրաստանի հետ): Ուրախ եմ, որ Վրաստանի հետ մեր շփումներն ակտիվորեն զարգանում են, անցյալ տարի Վրաստանի ՀՆԱ-ն 10 %-ով աճել է՝ զգալի չափով զբոսաշրջության և Ռուսաստանի Դաշնության հետ հարաբերությունների շնորհիվ », - այսօր կայացած մամուլի ասուլիսում ասել է ՌԴ արտաքին քաղաքական գերատեսչության ղեկավարը:
Միևնույն ժամանակ Լավրովը հարգանքի արժանի է համարել Ռուսաստանի դեմ պատժամիջոցներին չմիանալու Վրաստանի դիրքորոշումը: «Մենք տեսնում ենք, թե որքանով է Վրաստանը, ինչպես և բոլոր այլ երկրները, գտնվում Արևմուտքի ճնշման տակ, որը պահանջում է բաց, հրապարակայնորեն միանալ Ռուսաստանի Դաշնության դեմ պատժամիջոցներին:
Հարգանք է առաջացնում այն փաստը, որ փոքր երկիրն ու նրա կառավարությունը համարձակություն ունեն՝ ասելու, որ առաջնորդվելու են սեփական շահերով, սեփական տնտեսության շահերովե, - նշել է Լավրովը։
