Tert.am-ը գրում է.

Կիևում հունվարի մեկին երեք նոր պայթյուն է հնչել, հաղորդում է ուկրաինական ТСН լրատվական գործակալությունը։

Կիևի ռազմական վարչակազմի տվյալներով՝ քաղաքում աշխատում է հակաօդային պաշտպանության համակարգը։

Պայթյուններ են լսվում նաև Կիևի մարզի Վիշգորոդ քաղաքում։

Մայրաքաղաքում և Կիևի մարզում գրեթե երկու ժամ է, ինչ հնչում է օդային հարձակման ահազանգ։

Հաղորդվում է, որ ռուսական կողմը ընդհանուր առմամբ գործարկել է մոտ երեք տասնյակ անօդաչու թռչող սարք, ինչի հետևանքով վնասվել է կարևոր ենթակառուցվածքային էներգետիկ օբյեկտ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել