Ադրբեջանի արտաքին գործերի նախարար Ջեյհուն Բայրամովը Լեհաստանում ընթացող ԵԱՀԿ Նախարարների խորհրդի 29-րդ նիստի շրջանակում հանդիպել է Թուրքիայի արտաքին գործերի նախարար Մեւլութ Չավուշօղլուի հետ։ Այս մասին տեղեկացրել են ադրբեջանական ԶԼՄ-ները։

Հաղորդագրության համաձայն՝ արտաքին գործերի նախարարները քննարկել են Ադրբեջանի եւ Թուրքիայի միջեւ երկկողմ եւ տարածաշրջանային համագործակցության արդիական հարցերը, կարծիքներ փոխանակել ԵԱՀԿ Նախարարների խորհրդի 29-րդ նիստի շրջանակում համագործակցության եւ բազմակողմ պլատֆորմների, ինչպես նաեւ փոխադարձ հետաքրքրություն ներկայացնող այլ հարցերի մասին։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել