News.am-ը գրում է․
Reddit կայքի համահիմնադիր եւ գլխավոր նախագահ Ալեքսիս Օհանյանը «Ինստագրամ» սոցիալական ցանցի իր էջում անդրադարձել է Հայաստանի Հանրապետության սահմանին տիրող իրավիճակին:
Ալեքսիսը հրապարակել է Հայաստանի Հանրապետության դրոշն ու կից մակագրել. «Հայաստանը՝ ժողովրդավարությունը, ենթարկվում է նավթային բռնապետություն Ադրբեջանի հարձակմանը: Ցեղասպանությունից ավելի քան 100 տարի եւ ԱՄՆ նախագահ Ջո Բայդենի կողմից այն ճանաչելուց մեկ տարի անց: Ինչպե՞ս կարձագանքի Միացյալ Նահանգներն այս անգամ»:
Հիշեցնենք, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Վարդենիսի, Սոթքի, Արտանիշի, Իշխանասարի, Գորիսի եւ Կապանի ուղղություններով հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ:
