Ողբերգական ավտովթար Ստեփանակերտ-Ասկերան ավտոճանապարհին, 4 կին տեղում մահացել է:
Օգոստոսի 12-ին ժամը 08:46-ին Ստեփանակերտ քաղաքի բնակչից ահազանգ է ստացվել, որ Ստեփանակերտ քաղաքի Մելիքավան թաղամասում տեղի է ունեցել ճանապարհատրանսպորտային պատահար և կան տուժածներ:
Ահազանգը ստանալուն պես ծառայության արագ արձագանքման հատուկ ստորաբաժանման հերթապահ օպերատիվ խումբը մեկնել է կանչի վայր, միաժամանակ ահազանգը փոխանցվել է «Ստեփանակերտի շտապ բժշկական օգնության կայան» ՓԲԸ:
Տեղ հասնելուց պարզվել է, որ իրար են բախվել «ՎԱԶ-2107» և «Haval h9» մակնիշի ավտոմեքենաները, ինչի հետևանքով «ՎԱԶ-2107» մակնիշի ավտոմեքենայում կա մեկ տուժած և 4 զոհ:
Տուժած «ՎԱԶ-2107» մակնիշի ավտոմեքենայի վարորդ` Է. Գ-ն (Ասկերանի շրջանի Սարուշեն համայնքի բնակիչ, 1996 թ. ծնված) տարբեր աստիճանի մարմնական վնասվածքներով, շտապ բժշկական օգնության ավտոմեքենայով, տեղափոխվել է «Հանրապետական բժշկական կենտրոն» ՓԲԸ:
Պատահարի հետևանքով մահացած «ՎԱԶ-2107» մակնիշի ավտոմեքենայի ուղևորներ` Հ. Գ-ն (Ասկերանի շրջանի Սարուշեն համայնքի բնակիչ, 1971 թ. ծնված), Ն.Դ-ն (Հադրութի շրջանի Ազոխ համայնքի բնակիչ`փաստացի բնակվում է Ասկերանի շրջանի գ.Այգեստան, 1970 թ. ծնված), Լ. Մ-ն (Հադրութի շրջանի Թաղասեր համայնքի բնակիչ`փաստացի բնակվում է Ասկերանի շրջանի գ.Այգեստան, 1972 թ. ծնված) և Ս. Ս-ն (Ստեփանակերտ քաղաքի Ս.Դավիթ 54 հասցեի բնակիչ`փաստացի բնակվում է Ասկերանի շրջանի գ.Այգեստան, 1966 թ. ծնված) դիերը փրկարաները հանել են ավտոմեքենայից և տեղափոխել «Դատաբժշկական փորձաքնության բյուրո» ՊՈԱԿ:
Փրկարարները հոսանքազրկել են ավտոմեքենաները և իրականացրել կանխարգելիչ միջոցառումներ:
Ըստ բժիշկներից ստացված տեղեկության տուժած Է.Գ-ի վիճակը գնահատվում է բավարար:Возможно, это изображение 8 человек, люди стоят, военная форма и на открытом воздухе
Возможно, это изображение автомобиль и на открытом воздухе
Возможно, это изображение 4 человека, люди стоят и на открытом воздухе
Возможно, это изображение 3 человека и на открытом воздухе
Возможно, это изображение 5 человек, люди стоят и на открытом воздухе
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել