ֆրանս-գերմանական երիտասարդական գրասենյակի՝ OFAJ-ի «Համագործակցության նոր ոլորտներ Եվրամիության Արևելյան գործընկերության շրջանակում» ծրագրի շրջանակում հունիսի 6-10-ը Ադրբեջանի երիտասարդության 10 ներկայացուցիչներ կայցելեն Ստրասբուրգ։
Ադրբեջանում Ֆրանսիայի դեսպան Զաքարի Գրոսն ասել է, որ նրանք այնտեղ հանդիպում կանցկացնեն Հայաստանի, Ֆրանսիայի, Գերմանիայի երիտասարդ սերնդի ներկայացուցիչների հետ, հայտնում է ԱՊԱ-ն։
Դեսպանի խոսքով, Ադրբեջանի և Հայաստանի միջև խաղաղ բանակցությունների համատեքստում, որոնց աջակցում են Ֆրանսիան, Գերմանիան և Եվրոպական Միությունը, OFAJ-ը նպատակ ունի մասնակցել հայերի և ադրբեջանցիների միջև խաղաղության գործընթացին:
«Այս նախաձեռնությունը քննարկվել է Բրյուսելում և համաձայնեցվել անցյալ տարվա դեկտեմբերին կայացած առաջնորդների հանդիպման ժամանակ։ Սա Գերմանիայի և Ֆրանսիայի համատեղ նախաձեռնությունն է, որն իրականացվում է Արևելյան գործընկերության շրջանակում», - ասել է դեսպանը։
