Թուրքիայի նախագահ Ռեջեփ Թայիփ Էրդողանը հինգշաբթի հայտարարել է, որ մտադիր չէ խզել հարաբերությունները ռուս գործընկեր Վլադիմիր Պուտինի հետ Ուկրաինայում ստեղծված իրավիճակի պատճառով, հայտնում է ՏԱՍՍ-ը:

«Մենք հավասարակշռված քաղաքականություն ենք վարում ինչպես Ռուսաստանի, այնպես էլ Ուկրաինայի հետ հարաբերություններում: Ես մտադրություն չունեմ խզելու հարաբերությունները ո՛չ պարոն Պուտինի, ո՛չ էլ Զելենսկու հետ»,- ասել է Էրդողանը Անկարայում թուրք երիտասարդների հետ հանդիպման ժամանակ։

Թուրքիայի նախագահի խոսքով՝ ինքը մտադիր է «շարունակել հեռախոսային դիվանագիտություն վարել Պուտինի և Զելենսկու հետ» Ուկրաինայում տիրող իրավիճակի վերաբերյալ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել