Այսօր Աջափնյակ վարչական շրջանում տեղի ունեցան Արցախի ու Հայաստանի շարունակական կործանման դեմ սկսված խաղաղ անհնազանդության հերթական ակցիաները: Ակցիայի երթն ընթացել է բացառապես հետիոտների համար նախատեսված մայթերով՝ բացառությամբ մի հատվածի: Ընթացքում, ակցիայի մասնակիցների կողմից, որպես իշխանությունների ազգակործան քաղաքականության դեմ բողոքի նշան, ոջամիտ ժամկետով փակվել են փողոցների երթևեկելի հատվածները, որոնք բացվել են ուղեկցող ոստիկանների առաջին իսկ օրինական պահանջի դեպքում:
Չի գտվել գեթ մեկ քաղաքացի, որը բողոքել է երթևեկելի մասը փակելու համար, ընդհակառակը, շատերն ավտոմեքենաներից, բնակարանների պատուհաններից, խանութներից, կանգառներից ու այլ վայրերից ուղակի ողջունում էին և կարևորում էին շարժման պահանջերը: Շտապ-բուժ օգնության և հրշեջ ծառայության մեքենաներին անիմիջապես ճանապարհ է տրվել:
Ակցիան ավարտելուց հետո, երբ քաղաքացիները հավաքվել էին ճանապարհի մայթեզրին ու պատրաստվում էին հեռանալ, հայտնվեցին ոստիկանության հատուկ վաշտի այսպես կոչված “սև բերետավորները” և առանց որևէ բացատրության, ապօրինի կերպով, վայրենավարի բերման ենթարկեցին մայթին կանգնած քաղաքացիներին: Երբ հարցնում ես, ո՞րն է ձեր գործողության իմաստը՝ դեմքի անիմաստ արտահայտությամբ նայում են աջքերիդ ու փորձում քաշքշելով բերման ենթարկել))))):
Ես այդ տղաներին չեմ մեղադրում, նրանք երևի թե մեղք չունեն, որ իրենց հրաման տվողները թուրք-ադրբեջանական հանձնարարություններն են կատարում (տես Ալիևի և այլ ազերիների հարցազրույցները):
Սա գրում եմ միայն նրա համար, որպեսզի պարզ լինի, թե ինչ աստիճանի անբարո վարք ունեն կապիտուլյանտները:
Ամեն դեպքում, կարևորն այն է, որ համաժողովրդական շարժումն այսօր կատարել է իր հայտարարած գործողությունները և պայքարը հանուն Հայրենիքի հարատևման շարունակվում է:
Ապրեն բոլոր նրանք (այդ թվում նաև ոստիկանները), ովքեր գիտակցում են, որ Հայաստանը պարտավոր է հրաժարվել Նիկոլից ու իր խունտայից: Դա օրհասական պահանջ է՝ հանուն խաղաղ ու անվտանգ ապագայի:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել