Armenpress.am-ը գրում է․

ԱՄՆ Սպիտակ տան հաղորդակցության հարցերով տնօրեն Քեյթ Բեդինգֆիլդը հայտնել է, որ վարակվել է կորոնավիրուսով: Ինչպես հաղորդում է «Արմենպրես»-ը, այս մասին նա գրառում է կատարել «Թվիթեր»-ի իր էջում:

«Այսօր առավոտյան կորոնավիրուսի թեստ եմ հանձնել, որը դրական արդյունք է ունեցել: Վերջին անգամ նախագահին հանդիպել եմ չորեքշաբթի (խմբ.- ապրիլի 27-ին) տեղի ունեցած խորհրդակցությանը, որի ժամանակ կրել եմ դիմակ ու պահպանել սոցիալական հեռավորության կանոնները»,- նշել է Բեդինգֆիլդը՝ ընդգծելով, որ փաստացի մոտ կոնտակտի մեջ չի եղել նախագահ Ջո Բայդենի հետ:

Ակնկալվում է, որ Բեդինգֆիլդը Սպիտակ տուն կվերադառնա 5-օրյա մեկուսացումից և բացասական թեստի արդյունքն ունենալուց հետո:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել