Մոնտե Կառլո․ Ջոկովիչը սենսացիոն պարտություն է կրել

Armsport.am-ը գրում է.

«Մեծ սաղավարտի» 20-ակի չեմպիոն, աշխարհի առաջին ռակետ Նովակ Ջոկովիչը սենսացիոն պարտություն է կրել Մոնտե Կառլոյի «Մասթերս» մրցաշարի առաջին շրջանում։

Ջոկովիչը մրցեց Իսպանիայի ներկայացուցիչ, 46-րդ ռակետ Ալեխանդրո Դավիդովիչ-Ֆոկինայի հետ և պարտություն կրեց 3:6, 7:6 (7:5), 1:6 հաշվով։ Հանդիպումը տևեց 2 ժամ, 56 րոպե։

Նշենք, որ Մոնտե Կառլոյում Ջոկովիչը փետրվարից ի վեր առաջին պաշտոնական խաղն էր անցկացնում։