Hraparak.am-ը գրում է.
ԱՄՆ նախագահ Ջո Բայդենը վստահություն է հայտնել, որ ՌԴ նախագահ Վլադիմիր Պուտինին չի հաջողվի ամբողջությամբ գրավել Ուկրաինան։ Ամերիկացի առաջնորդը նշել է ուկրաինացիների խիզախությունը և ընդգծել, որ նրանք «ոգեշնչում են ողջ աշխարհին»։
Միացյալ Նահանգների ղեկավարը համապատասխան հայտարարություններով հանդես է եկել երեքշաբթի օրը՝ մարտի 8-ին: Տեսանյութը հեռարձակել է «Ամերիկայի ձայնը» յութուբյան ալիքը։ «Պուտինին չի հաջողվի հաղթել Ուկրաինային»,- ասել է Բայդենը։
Նա նշել է, որ վերջին օրերին Ուկրաինայի ժողովուրդն իր խիզախությամբ ոգեշնչել է ողջ աշխարհին։
«Ուկրաինան երբեք չի գրավվի Պուտինի կողմից, նա կարող է գրավել մեկ քաղաք, բայց չի կարող գրավել ամբողջ երկիրը»,- վստահ է ԱՄՆ նախագահը։
Նյութի աղբյուր՝ https://hraparak.am/post/73c748d9bef2a57c7a194d0a4a185eb5
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել