News.am-ը գրում է.

Դերասանուհի Անուշկա Մարգարյանն ամեն տարի՝ Սուրբ Սարգսի տոնի նախօրեին,  ուտում է աղի բլիթ՝ հույսով, որ երազում կտեսնի իր միակին, սակայն ասպետի փոխարեն Անուշկան այլ հետաքրքիր երազներ է տեսնում, որոնց մասին կիսվել է NEWS.am STYLE-ի հետ:

Անուշկան նշեց, որ այս տարի էլ բացառություն չի արել ու կերել է մայրիկի պատրաստա բլիթը.

«Երազումս տեսել եմ բարեկամներիս, որոնք եկել էին մեր տուն՝ ինձ հետ կապված ինչ-որ առիթի, թե ինչ էր կոնկրետ՝ չգիտեմ (ժպտում է): Սեղանին ջուր կար դրված, ինքս մի բաժակ լցրի ու խմեցի (ծիծաղում է): Ինչպես միշտ՝ հույսս ինձ վրա եմ դնում»,-ասում է դերասանուհին՝ այնուհետեւ հավելելով,-«Մի օր առաջ, սակայն, երազումս տեսել էի հարսանիքս ու Նրան»:

247873740_488462962906296_8533190491938384743_n.jpg (601 KB)

Դերասանուհին ասում է՝ ամեն տարի մեկի փոխարեն երկու անգամ է աղի բլիթ ուտում՝ ե´ւ Սուրբ Սարգսի, ե´ւ Սուրբ Վալենտինի տոներին: Նա հավելում է, որ դա իր համար զվարճալի խաղի պես մի բան է:

«Երկու տարի շարունակ, ի դեպ, երազումս նույն մարդուն էի տեսել, բայց համառորեն ինձ ջուր չէր տալիս»,-կատակում է դերասանուհին,-«Մտածում էի՝ եթե կրկին նրան տեսնեմ, կսպանեմ, որ էլ հնարավորություն չունենամ տեսնելու, բայց այս, տարի լավ է, երազիս չհայտնվեց (ծիծաղում է): Եղել է տարի, որ համակարգչային խաղից հայտնի Մարիոյին եմ տեսել երազումս, մի տարի էլ՝ փիղ. չգիտեմ՝ ինչ է նշանակում»:

Հարցին, որ տոնին է նախապատվությունը տալիս՝ Սուրբ Սարգսի՞ն, թե՞ Վալենտինին, դերասանուհին անկեղծորեն պատասխանեց, որ երկար տարիներ Սուրբ Վալենտինի օրն է ասոցացրել սիրո տոնի հետ, հիմա հավասարապես երկուսն էլ նշանավորում է. ինչպես ինքն է ասում՝ «Լավ է մեկի փոխարեն երկու սիրո տոն ունենալը»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել