Tert.amLife-ը գրում է

«Արմենիա TV»–ի եթերում մեկնարկել է «Ամեն տարի գարնանը» հեռուստասերիալը, որի գլխավոր հերոսուհուն մարմնավորում է երիտասարդ դերասանուհի Ռոմելա Սարգսյանը։ Վերջինս իր առաջին քայլերն արել է ռեժիսոր, պրոդյուսեր Ելենա Արշակյանի մոտ՝ «Ախթամար» հեռուստասերիալում և 2 տարվա ընթացքում երրորդ գլխավոր դերն է ստանում։

Tert.am Life–ը Ռոմելայի հետ խոսել է նոր կերպարի և աշխատանքային հաջողության մասին։

Ռոմելան վերհիշեց, որ ժամանակին իր համար անսպասելի էր այսպիսի հաջողությունը։ «Երբ մասնակցում էի «Ախթամարի» քասթինգին, չէի էլ հավատում, որ կանցնեմ այն։ Ես այլ դերի համար էի գնացել քասթինգի, սակայն հանգամանքների բերումով այնպես ստացվեց, որ հենց հերոսուհուն մարմնավորեցի։ Ես երազել եմ, որ այդպես լինի։ Հասկացա, որ երազանքները կատարվում են»,– ասաց նա ու հավելեց, որ ամեն դեպքում, եթե իրեն առաջարկեն կերպար, որն իրեն դուր կգա, բայց գլխավոր չի լինի, կմարմնավորի այն։

«Իհարկե, կարևորում եմ և շատ ուրախ եմ գլխավոր դեր խաղալու առթիվ, բայց ինձ համար ավելի կարևոր է, որ կերպարն ինձ դուր գա, կարողանամ ճիշտ մարմնավորել այն»,– ասաց նա։

Ռոմելան նկատեց, որ ամեն անգամ պատասխանատվությունն ավելի է մեծանում հեռուստադիտողների առաջ․ «Կարևոր չէ՝ ես հետագայում կնկարահանվե՞մ, թե՞ ոչ, միևնույն է, դա պարտավորեցնող է ինձ համար։ Փորձում եմ աշխատել ինձ  վրա, որպեսզի չձանձրացնեմ հեռուստադիտողներին, ունենամ նրանց սերը։ Մեր ոլորտում լավագույնը  հանդիսատեսի, հեռուստադիտողների սերն է, որովհետև ի վերջո մենք աշխատում ենք նրանց համար»։

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել