«Պետությունն է այս ամբողջ գործընթացի պատասխանատուն և պետք է ապահովի անհրաժեշտ պայմանները, հետևաբար նաև ծախսային բեռը չպետք է թողնի մարդու վրա։ ՍԴ-ն հենց «իր հաշվին» բառակապակցությունը հակասահմանադրական ճանաչեց, այն այլևս գոյություն չունի իրավական իմաստով»,-ասաց պատգամավորը։
Անդրադառնալով ՍԴ որոշումից հետո Առողջապահության նախարարության տարածած հայտարարությանը, թե աշխատողներն ամեն դեպքում պետք է իրականացնեն թեստավորում, Վարդևանյանն ասաց, թե պետք է փորձել ըմբռնումով մոտենալ այդ հայտարարությանը, սակայն հարցեր են առաջանում։
«Իսկ ի՞նչ է պետք անել այն հարյուր հազարավոր մարդկանց դեպքում, որոնք հակասահմանադրական ձևակերպման պատճառով ծախսել են միջոցներ։ Պարտականություն է դրվել, մարդիկ ծախսեր են կատարել։ Գիտեմ մարդկանց, որ այդ ծախսերի պատճառով լրջագույն ֆինանսական դժվարություններ են ունեցել։ Հիմա Առողջապահության նախարարությունն ինչպե՞ս է նայելու այդ մարդկանց աչքերի մեջ»,-ասաց Վարդևանյանը՝ նշելով, որ, ի վերջո, ՀՀ-ում պետք է ձևավորվի քաղաքական պատասխանատվության ինստիտուտը։
«Իմ կարծիքը միանշանակ այն է, որ ծախսի կատարումը պետք է դրվի ՀՀ պետական բյուջեի միջոցների վրա։ Հիմա այդ ողջ գումարները որ ծախսվել են, ի՞նչ հետևանք է լինելու․ արդյո՞ք ՀՀ կառավարությունը, որը մշտապես խոսում է ժողովրդի անունից, ասում է, թե ներկայացնում է ժողովրդի լավագույն շահը, գումարները վերադարձնելու է»,-ասաց Արամ Վարդևանյանը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել