Armenpress.am-ը գրում է․

Մի քանի հազար մարդ Վիեննայում դեկտեմբերի 4-ին դուրս են եկել խաղաղ ցույցի՝ ընդդեմ կորոնավիրուսի դեմ պարտադիր պատվաստման ու սահմանափակումների: Ցույցի մասնակիցները պահանջում են նոր խորհրդարանական ընտրություններ և հանդես են գալիս կամավորության սկզբունքով պատվաստվելու օգտին: Ինչպես փոխանցում է «Արմենպրես»-ը, այս մասին հայտնում է ՏԱՍՍ-ը:

Ցուցարարների անվտանգությունը հսկելու գործում ներգրավված է շուրջ 1200 ոստիկան:

Ավստրիայում կորոնավիրուսի համավարակի չորրորդ ալիքի պատճառով, առողջապահական համակարգում փլուզումից խուսափելու նպատակով, նոյեմբերի 22-ից մինչև դեկտեմբերի 12-ը հայտարարվել  է համազգային լոքդաուն բոլոր քաղաքացիների համար:  Սահմանափակված է նաև բնակիչների տանից դուրս գալը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել