Shamshyan.com-ը գրում է.
Այսօր՝ նոյեմբերի 2-ին, արտակարգ դեպք է տեղի ունեցել Արմավիրի մարզում։ Ժամը 19:00-ի սահմաններում Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ է ստացվել, որ Երևան-Արմավիր ավտոճանապարհի Էջմիածնի վարչական տարածքում՝ Դոն Պիպոյի տան հարևանությամբ գտվող ավտոմեքենաների «ռասկուլաչիտ» անելու վայրում, հրդեհ է բռնկվել: Ինչպես հայտնում է Shamshyan.com-ը, օպերատիվորեն ժամանել է ԱԻՆ ՓԾ Վաղարշապատի թիվ 29 հրշեջ-փրկարարական ջոկատը՝ 1 մարտական հաշվարկով:
Հրշեջները սահմանազատել են տարածքը, սակայն «ռասկուլաչիտի» տերերը հրշեջներին ասում են, թե կարիք չկա կրակը մարելու, այդ մեքենաները խոտանված են և իրենք վառել են:
Նյութի աղբյուր՝ https://shamshyan.com/hy/article/2021/11/02/1199659/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել