Pastinfo.am-ը գրում է.

Ադրբեջանի ոստիկանական տեղամասերից մեկում ծեծել են Արցախի դեմ ադրբեջանական ագրեսիայի մասնակցին։ Տելեգրամյան ալիքներում տարածվել է տեսանյութ, թե ինչպես են վետերանին ոստիկանները «գետնին հավասարեցրել»։ Նրան այնքան են հարվածել, որ վերջինս կորցրել էր գիտակցությունը։

Ընդդիմադիր ադրբեջանական տեղեկատվական հարթակները հայտնում են, որ Ադրբեջանի ոստիկանության բաժնում ծեծի ենթարկվածը հաշմանդամություն ունեցող վետերան է, որին առանձնակի դաժանությամբ ծեծել են, որից հետո հաշմանդամը մահացել է։

Ականատեսներից մեկը ադրբեջանցուն ծեծող ոստիկաններին «հայ» է անվանել։ Մամուլում ակտիվ քննարկվում է ադրբեջանական իշխանությունների որդեգրած քաղաքականությունը։ Շատերը ծաղրում են, թե Ադրբեջանն այսպես երախտագիտություն հայտնում իր զինվորներին։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել