168.am-ը գրում է․
Սեպտեմբերի 17-ին Շուշիի շրջանում 3 անգամ գնդակոծվել են հայկական դիրքերը։ Հայկական կողմից կա 2 վիրավոր։ Տեղեկությունը հայտնում է Ռուսաստանի ՊՆ մամուլի ծառայությունը։
«Հայկական կողմի տեղեկատվության համաձայն՝ կրակոցները եղել են Ադրբեջանի զինված ուժերի դիրքերից։ Գնդակոծության հետևանքով վիրավորվել են Լեռնային Ղարաբաղի զինված կազմավորումների երկու զինծառայողներ: Խաղաղապահ զորակազմի հրամանատարության կողմից քննություն է անցկացվում երկու կողմերի ներկայացուցիչների մասնակցությամբ»,–նշված է ՌԴ ՊՆ հաղորդագրության մեջ։
Հիշեցնենք` երեկ` սեպտեմբերի 17–ին, ԱՀ ՊԲ մամուլի ծառայությունից հայտնել էին, որ Արցախի սահմանին ադրբեջանական զինուժը կրակ է բացել. հայկական կողմն ունի մեկ վիրավոր։
Նախորդ ամիս` օգոստոսի 9-ին, Արցախի Մխիթարաշեն գյուղի ուղղությամբ ադրբեջանցի զինվորականների գնդակոծության հետևանքով քաղաքացիական ավտոմեքենա էր վնասվել։
Ամբողջական հոդվածը կարող եք կարդալ այստեղ
Նյութի աղբյուր՝ https://armeniasputnik.am/20210918/adrbejancinery-gndakvotsel-en-shushii-shrjani-hajkakan-dirqery-ka-2-viravvor-rd-pn-33418908.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
