168.am-ը գրում է․

«Իսլամական պետություն» ահաբեկչական խմբավորման զինյալները սեպտեմբերի 12-ին Իրաքի արեւելքում երկու հարձակում են կատարել երկրի զինծառայողների վրա, ինչի հետեւանքով զոհվել է երեք մարդ, երկուսը տուժել են: Այդ մասին հաղորդել է Shafaq իրաքյան գործակալությունը՝ վկայակոչելով աղբյուրի: Նրա տվյալներով՝ մի խումբ զինյալներ հարձակվել են Դիյալա նահանգի Էլ-Ազիմի շրջանի իրաքյան բանակի առաջին դիվիզիոնի գնդերից մեկի զինծառայողների վրա:

Մարտում վիրավորվել է իրաքցի մի զինվոր, ինչպես նաեւ վնասվել է ջերմացույցի խցիկը: Մի քանի ժամ անց ահաբեկիչները գրոհել են աթ-Թալաա գյուղի գնդի զինվորականների վրա: Զինյալները վերցրել են բանակի օբյեկտը, սպանել Իրաքի երեք զինծառայողների, եւս մեկը տուժել է: «Մի խումբ ահաբեկիչներ բարիկադավորվել են այնտեղ եւ հարված հասցրել ուժայիններին, որոնք նետվել են մարտի դաշտ: Բախումներն ընթանում են մինչեւ այժմ»,-հավելել է գործակալության աղբյուրը:

2017 թվականի վերջին Իրաքի իշխանությունները հայտարարել են երկրում ԻՊ-ի նկատմամբ հաղթանակի մասին, սակայն իրաքյան բանակը ժողովրդական աշխարհազորի եւ միջազգային կոալիցիայի ստորաբաժանումների աջակցությամբ շարունակում է զտումները զինյալներից եւ առանձին շրջաններում ահաբեկչական խմբավորումների «քնած բջիջների» հայտնաբերման գործողությունները, հաղորդել է ՌԻԱ Նովոստին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել