168.am-ը գրում է․
Ուկրաինացի ուղևորներ տեղափոխող ավտոբուսը, որ Լեհաստանից ուղևորվել էր Ուկրաինայի Մարիուպոլ քաղաք, ճանապարհին վթարի է ենթարկվել։
Ինչպես հաղորդում է «ՌԻԱ Նովոստի»-ն, ՃՏՊ-ի հետևանքով ավտոբուսն այրվել է, մեկ մարդ զոհվել է, ևս 11-ը տուժել են։
«Ժիտոմիրի մարզում ոստիկանությունը պարզում է միջազգային ավտոբուսի և մեքենա տեղափոխող փոխադրամիջոցի մասնակցությամբ ավտովթարի հանգամանքները: Դեպքը տեղի է ունեցել գիշերը՝ սեպտեմբերի 4-ին ՝ Կիև-Չոպ ավտոճանապարհի 177-րդ կմ-ին: Մեքենա տեղափոխող փոխադրամիջոցի հետ բախումից հետո ավտոբուսն այրվել է։ Պատահարի հետևանքով 1 մարդ զոհվել է, 11-ը՝ դիմել բժշկական օգնության»,- ասված է Ուկրանիայի ոստիկանության հաղորդագրության մեջ
Իրավապահների տվյալներով, Neoplan մակնիշի ավտոբուսի ղեկին եղել է 30-ամյա վարորդ, ով Լեհաստանից Մարիուպոլ երթուղին է սպասարկել։
«Պատահարից հետո ավտոբուսը սկսել է այրվել։ Ներսում 25 ուղևոր է եղել, բոլորն ուկրաինացի։ ՃՏՊ-ի հետևանքով զոհվել է ավտոբուսի երկրորդ վարորդը»,- հավելել են ոստիկանությունից։
ՃՏՊ-ի դեպքի առթիվ հարուցվել է քրեական գործ, իրավապահները պարզում են դեպքի հանգամանքները։
Նյութի աղբյուր՝ https://168.am/2021/09/04/1573119.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել