168.am-ը գրում է․
«Այս փուլում Խաղաղության համաձայնագրի շուրջ որևէ բանակցություն չի ընթանում»,- այս մասին այսօր ՌԴ ԱԳՆ-ում Սերգեյ Լավրովի հետ բանակցություններին հաջորդած ասուլիսի ընթացքում ասաց ՀՀ ԱԳ նախարար Արարատ Միրզոյանը՝ անդրադառնալով Հայաստանի և Ադրբեջանի միջև Խաղաղության համաձայնագրի վերաբերյալ հարցին:
«Այս փուլում խաղաղության համաձայնագրի շուրջ որևէ բանակցություն չի ընթանում, երբ ինչ-որ մի ժամանակ նման բանակցություններ սկսվեն, ապա այդ բանակցությունների պարտադիր մաս պետք է կազմի ԼՂ կարգավիճակի հարցը ԵԱՀԿ Մինսկի խմբի համանախագահների ամրագրած սկզբունքների հիման վրա»,- ասաց Միրզոյանը:
Հարցին ՌԴ ԱԳ նախարար Սերգեյ Լավրովը հրաժարվեց պատասխանել:
Նշենք, որ նորանշանակ ԱԳ նախարար Միրզոյանը այսօր կատարել է իր առաջին արտասահմանյան այցը Ռուսաստանի Դաշնություն և ունեցել բանակցություններ իր ռուս գործընկերոջ հետ:
