Armenpress.am-ը գրում է․
ԱՄՆ 45-րդ նախագահ Դոնալդ Թրամփի նախկին ավագ խորհրդական և փեսա Ջարեդ Քուշները մտադիրն է հեռանալ քաղաքականությունից և առաջիկա ամիսների ընթացքում հիմնել սեփական ներդրումային ընկերությունը: Ինչպես փոխանցում է «Արմենպրես»-ը, այս մասին հայտնել է Reuters-ը:
Գործակալության աղբյուրների համաձայն՝ հիմնադրվելիք կազմակերպությունը կոչվելու է Affinity Partners, գլխամասը լինելու է Մայամիում, ևս մեկ գրասենյակ բացվելու է Իսրայելում: Reuters-ի զրուցակիցները չեն նշել, թե ովքեր են լինելու հնարավոր ներդրողները:
Գործակալությունը հայտնել է նաև, որ վերջին վեց ամիսները Քուշներն անցկացրել է Մայամիում՝ գիրք գրելով Սպիտակ տանն իր աշխատանքային փորձառության մասին: Նշվում է, որ գիրքը կհրատարակվի 2022 թվականի սկզբին:
Նյութի աղբյուր՝ https://armenpress.am/arm/news/1059330.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել