168.am-ը գրում է․
Պաշտպանության նախարարությունը Կառավարության հաստատմանն է ներկայացրել որոշման նախագիծ, որով փոփոխություն է կատարվել 2021 թվականի պետական բյուջեում և 1 միլիարդ 500 միլիոն դրամ է հատկացվել ՊՆ-ին՝ «Եռաբլուր» զինվորական պանթեոնում գերեզմանների կառուցման՝ բարեկարգման աշխատանքներ իրականացնելու համար։
Նոր «Եռաբլուր» ստեղծած իշխանությունը 1 միլիարդ 500 հազար դրամով բարեկարգելու է 1000 գերեզման։
Թե որ ընկերությունից է կատարվելու գնումը, Կառավարության ընդունած նախագծի մեջ նշված չէ։
Նկատենք, որ Պաշտպանության նախարարությունը 1 միլիարդ 500 միլիոն դրամի գնումը կկատարի հրատապ՝ մեկ անձից, որովհետև, ըստ ՊՆ-ի ներկայացրած հիմնավորման, «Գնումների մասին» ՀՀ օրենքի 15-րդ հոդվածի 6-րդ մասի հիման վրա 2021 թվականի մայիսի 26-ին հայտարարվել է գնման ընթացակարգ և դրա շրջանակում հայտերի ներկայացման վերջնաժամկետը սահմանվել է 2021 թվականի հուլիսի 2-ը:
Սակայն նշված ժամկետում որևէ հայտ չի ներկայացվել, ուստի այդ գնման ընթացակարգը հայտարարվել է չկայացած:
«Եռաբլուր» զինվորական պանթեոնում թվով 1000 գերեզմանների կառուցման և տարածքի բարեկարգման աշխատանքների համար պահանջվող 1 միլիարդ 500 միլիոն դրամից 750 միլիոն դրամը կհատկացվի Կառավարության պահուստային ֆոնդից, իսկ մնացյալ մասը կվերցվի 2021 թվականի բյուջեով ՊՆ «Ռազմական կարիքների բավարարում» միջոցառման համար հատկացված գումարից։
