Չեխիայի հավաքականի դարպասապահը մոտ է Ա Սերիա տեղափոխվելուն

Armsport.am-ը գրում է.

«Նապոլին» բանակցություններ է վարում «Սևիլիայի» և Չեխիայի ազգային հավաքականի դարպասապահ Տոմաշ Վացլիկին ձեռք բերելու համար:

Լրագրող Ջանլուկա Դի Մարցիոն հայտնում է, որ «նեապոլիտանացիները» մտադիր են ձեռք բերել 32-ամյա չեխ դարպասապահին, ով այսօր դարձել է ազատ գործակալ, քանի որ «Սևիլյայի» հետ նրա պայմանագրի ժամկետն ավարտվել է:

Նշվում է, որ Վացլիկը ապագայի վերաբերյալ որոշում կկայացնի միայն Եվրո-2020-ում Չեխիայի հավաքականում ելույթները ավարտելուց հետո, որտեղ նրա թիմն արդեն հասել է 1/4 եզրափակիչ:

Աղբյուրը հայտնում է, որ Վացլիկը կդառնա կոլումբիացի Դավիդ Օսպինայի փոխարինողը: