Armenpress.am-ը գրում է.
Վրաստանի վարչապետ Իրակլի Ղարիբաշվիլին շնորհավորել է ՀՀ վարչապետի պաշտոնակատար Նիկոլ Փաշինյանին Հայաստանում կայացած արտահերթ խորհրդարանական ընտրություններում «Քաղաքացիական պայմանագիր» կուսակցության հաղթանակի առթիվ: «Արմենպրես»-ի փոխանցմամբ՝ Վրաստանի վարչապետը Նիկոլ Փաշինյանին շնորհավորել է «Թվիթեր»-ի իր միկրոբլոգում կատարած գրառմամբ:
«Սրտանց շնորհավորում եմ վարչապետ Նիկոլ Փաշինյանին ընտրությունների հաջող անցկացման և նախնական արդյունքներով «Քաղաքացիական պայմանագիր» կուսակցության հաղթանակի առթիվ: Բոլորին հաջողություն եմ մաղթում: Անհամբեր սպասում եմ նոր կառավարության հետ սերտ համագործակցությանը»,- գրել է Ղարիբաշվիլին:
Նյութի աղբյուր՝ https://armenpress.am/arm/news/1056104.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել