«Վերջին շրջանում պարբերաբար հրապարակվում են տարբեր սոցհարցումների տվյալներ, այդ թվում՝ միջազգային կազմակերպությունների կողմից, որոնցից պարզ է դառնում, որ անընդհատ իշխանական ուժի վարկանիշը նվազում է, փոխարենն ակտիվորեն բարձրանում են իրական ընդդիմադիր ուժերի վարկանիշները։ «Փաստ» թերթի տեղեկություններով, Նիկոլ Փաշինյանին անհանգստացնողը միայն սա չէ: Բանն այն է, որ բոլոր ուժերից ամենացածր վարկանիշն ունեն Փաշինյանի սատելիտ 2-3 քաղաքական ուժերը, որոնց ներդրել է հենց իշխանությունը՝ ապագայում նրանց հետ խորհրդարանում կոալիցիա կազմելու նպատակով:
Բանն այն է, որ Նիկոլ Փաշինյանն էլ գիտի, որ իր քաղաքական ուժը որևէ պարագայում չի կարող անհրաժեշտ քվե ստանալ վերարտադրվելու համար, ու նրան խորհրդարանում այնպիսի ուժեր են պետք, որոնց հետ հանրագումարով կարողանա արդյունքի հասնել։ Սակայն, չնայած գործադրվող ջանքերին, բոլոր հարցումներով պարզ է դառնում, որ այդ «միավորները» հազիվ մոտենան 1 տոկոսի շեմին, իսկ խորհրդարան կանցնեն այն ուժերը, որոնք արդեն հայտարարել են, որ ոչ մի պարագայում ՔՊԿ-ի հետ կոալիցիա չեն կազմի, ինչը նշանակում է ուղղակի իշխանափոխություն»,-գրում է թերթը։
Նյութն ամբողջությամբ կարդացեք թերթի այսօրվա համարում։
