Armeniasputnik.am-ը գրում է.
ՀՀ պաշտպանության նախարարի պաշտոնակատար Վաղարշակ Հարությունյանը հեռախոսազրույց է ունեցել ՌԴ պաշտպանության նախարար, բանակի գեներալ Սերգեյ Շոյգուի հետ։ Տեղեկությունը հայտնում է Ռուսաստանի պաշտպանության նախարարության մամուլի ծառայությունը։
Զրույցի ընթացքում կողմերը քննարկել են Լեռնային Ղարաբաղում տիրող իրավիճակի հարցը, ինչպես նաև երկկողմ հետաքրքրության այլ հարցեր։
«Մայիսի 25-ի երեկոյան Շոեյգուն հեռախոսազրույց է ունեցել Հարությունյանի հետ` քննարկելով ինչպես տարածաշրջանում տիրող իրավիճակը, այնպես էլ ռուս խաղաղապահների տեղակայման վայրերում իրավիճակը»,–նշված է հաղորդագրության մեջ։
Հիշեցնենք, որ մայիսի 20-ին նույնպես Հարությունյան-Շոյգու հեռախոսազրույց էր տեղի ունեցել։
Վաղարշակ Հարությունյանը ներկայացրել էր ադրբեջանական զինված ուժերի սադրանքների արդյունքում ստեղծված իրադրությունը Հայաստանի սահմանին և հայկական կողմի գործողությունները։
Երկուստեք կարևորվել էր խնդրի խաղաղ կարգավորման անհրաժեշտությունը։