Ապօրինության հերթական դրսևորումը Հանրապետության նախագահի կողմից․ Էդգար Ղազարյան

Հանրապետության նախագահի պաշտոնական կայքում հրապարակվել է 2021 թվականի մայիսի 14-ի թիվ ՆՀ-62-Ա հրամանագիրը, որով նա «Հայրենիքին մատուցած ծառայությունների համար» 1-ին աստիճանի մեդալով պարգևատրել է Անահիտ Ավանեսյանին՝ նշելով նրա պաշտոնն իբրև առողջապահության նախարար։ Փաստորեն, օրինական իշխանության տապալման գործընթացի ենթադրյալ հանցախմբի մասնակից Հանրապետության նախագահ Արմեն Սարգսյանն այնքան է տարվել իշխանազավթման գործով, որ մոռացել է 2021 թվականի ապրիլի 25-ին իր կողմից ստորագրված թիվ ՆՀ-80-Ա հրամանագրի գոյության մասին, որով ինքն ընդունել էր կառավարության հրաժարականը, ըստ որի Անահիտ Ավանեսյանն ազատվել է նախարարի պաշտոնից։