Pastinfo.am-ը գրում է.
Վարչապետի խորհրդական Աննա Վարդապետյանի՝ քրեական վարույթն իրականացնող մարմնի գործողություններին միջամտելու վերաբերյալ հրապարակված փաստերը մենք անարձագանք չենք թողել, ուղարկել ենք վարույթն իրականացնող մարմնին, դրանց մի մասով քրեադատավարական վարույթ է իրականացվել, մի մասով էլ՝ դեռ իրականացվում է: Այս մասին լրագրողների հետ զրույցում հայտարարեց ՀՀ Գլխավոր դատախազ Արթուր Դավթյանը:
«Այն մասով, որով կայացվել է որոշում, մենք գտել ենք, որ հանցագործության դեպք չկա: Վարույթի ընթացքում պարզվել է, որ խոսքը վերաբերվել է կոնկրետ մասնագիտական քննարկումներին: Ըստ նյութերով ձեռք բերված փաստական տվյալների՝ նա, որպես վարչապետի խորհրդական չի գործել: Եթե ինձ որևէ մեկը մոտենա, ասի՝ ես այսպիսի իրավական խնդիր ունեմ, ես չեմ զլանա և իրավական խորհրդատվություն կտամ,-ասաց գլխավոր դատախազը:
Լրագրողի հարցին՝ այսինք՝ Աննա Վարդապետյանը բարի կամքի դրսևորու՞մ է ցուցաբերել՝ Դատախազն արձագանքեց՝ այո:
Արթուր Դավթյանն ընդգծեց, որ հետևել է վարչապետի խորհրդականի հարցով Դատախազության կայացրած որոշմանը և եկել է եզրակացության, այդ փաստով կայացրած որոշումը օրինական է։