Armsport.am-ը գրում է.

«Միլանի» և Շվեդիայի հավաքականի հարձակվող Զլատան Իբրահիմովիչին սպառնում է երեք տարվա որակազրկում` խաղադրույքների բիզնեսին մասնակից լինելու համար, հաղորդում է РИА Новости-ն՝ հղում անելով Aftonbladet-ին:

Ըստ պորտալի՝ Իբրահիմովիչը բուքմեյքերական ընկերություններից մեկի բաժնեմասի սեփականատերն է, և նա այս ընկերության համասեփականատեր է դարձել դեռ 2018-ին:

Համաձայն ՖԻՖԱ-ի էթիկայի օրենսգրքի և Եվրոպական ֆուտբոլային ասոցիացիաների միության (ՈՒԵՖԱ) կարգապահական կանոնների` գործող խաղացողներին արգելվում է ունենալ բուքմեյքերական ընկերությունների բաժնետոմսեր:

Աղբյուրը հայտնում է, որ եթե Իբրահիմովիչի մեղքը ապացուցվի, նրան սպառնում է ցանկացած ֆուտբոլային գործունեության դադարեցում մինչև երեք տարի ժամկետով, ինչպես նաև տուգանք `մինչև մեկ միլիոն շվեդական կրոն (մոտ 99 հազար եվրո):

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել