Armeniasputnik.am-ը գրում է.
ՀՀ վարչապետ Նիկոլ Փաշինյանն այսօր Ազգային ժողովում հայտարարեց` թուրքերն ու ադրբեջանցիները մեր թշնամիներն են։ Նա իր տեսակետը հայտնեց` ի պատասխան ԱԺ փոխխոսնակ Ալեն Սիմոնյանի հարցին, թե թուրքը, այնուամենայնիվ, մեր թշնամի՞ն է, թե՞ ոչ։
ՀՀ վարչապետի խոսքով` այս կոնտեքստում պետք է պատասխանենք հարցին՝ հայերն ու թուրքերը խնդիր են դնում ոչնչացնե՞լ միմյանց։
«Կարծում եմ, որ մենք այսպիսի խնդիր պետք է չձևակերպենք, սակայն իրենք էլ չպետք է ձևակերպեն։ Մենք չենք կարող միակողմանի որոշել, որ թուրքերը մեր թշնամին չեն։ Պատմականորեն մենք թշնամի ենք, սակայն հարցն այն է` ինչպե՞ս ենք կառավարում այս թշնամությունը։ Պետություններ կան, որ թշնամի են, բայց իրար հետ տասնյակ միլիարդ դոլարների առևտրաշրջանառություն ունեն»,–ասաց վարչապետը։
Նրա խոսքով` այս թշնամանքը պետք է կառավարենք զգույշ և նրբանկատ։
