Մեծամոր քաղաքի տնակային թաղամասի 86-ամյա բնակիչ Ռաչիկ Հարությունյանը ձմեռն անցկացրել է ցուրտ տնակում՝ հատակին դրված ներքնակին պառկած: Նրա ոտքերն ու ձեռքերը ցրտահարվել են, ինչը դժվարացնում է նրա տեղաշարժը: Մեծամորի համայնքապետարանը վերջերս է տեղեկացել, որ իր համայնքում նման կարգավիճակով մարդ է ապրում, սակայն, իմանալուց հետո էլ միայնակ թոշակառուի կյանքում ոչինչ չի փոխվել. շարունակում է ապրել ցուրտ տնակում՝ աղբի մեջ. գրել է «Հետք»-ը։
Նշենք, որ այս տարվա հունվարին էլ Գյումրիում ցրտահարությունից 70-ամյա կին էր մահացել։ Վերջին ավելի քան տասը տարվա ընթացքում սա առաջին դեպքն էր, երբ Հայաստանի քաղաքացին մահացավ ցրտահարվելու պատճառով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
