Aysor.am-ը գրում է.
ՀՀ Զինված ուժերի Գլխավոր շտաբը հրաժարվում է տեղեկություն տրամադրել, թե, ի վերջո, որտե՞ղ ու ի՞նչ պայմաններում է կիրառվել «Իսկանդերը», հնարավո՞ր է՝ «Իսկանդերի» 10 տոկոսը պայթի, ինչպես նշել էր ՀՀ վարչապետն ու արդյոք «Իսկադները» խոտանված է կամ անորակ զինամթերքով է լիցքավորված։
Aysor.am-ի գրավոր հարցմանն ի պատասխան՝ ՀՀ ԶՈՒ Գլխավոր շտաբից պարզաբանել են. «Տեղեկատվության տրամադրումը մերժվում է՝ հիմք ընդունելով «Տեղեկատվության ազատության մասին» ՀՀ օրենքի 8-րդ հոդվածի 1-ին կետի և ՀՀ կառավարության 1998թ. մարտի 13-ի N 173 որոշմամբ հաստատված ցանկի 5-րդ և 8-րդ կետերի պահանջները»։
Տեղեկատվության ազատության մասին» ՀՀ օրենքի 8-րդ հոդվածի 1-ին կետը սահմանում է՝ տեղեկատվություն տնօրինողը մերժում է տեղեկության տրամադրումը, եթե դա պարունակում է պետական, ծառայողական, բանկային, առևտրային գաղտնիք։
Ըստ ՀՀ կառավարության 1998թ. մարտի 13-ի N 173 որոշմամբ հաստատված ցանկի 5-րդ և 8-րդ կետերի պահանջների՝ պետական գաղտնիքի շարքը դասվող տեղեկություններն են զորքերի զորահավաքի ծավալման, մարդկային և տրանսպորտային ռեսուրսների զորահավաքի անցկացման, զորահավաքի ծավալումը կառավարելու համակարգի և զորքերը անձնակազմով համալրելու հնարավորությունների մասին, սպառազինությամբ, ռազմական տեխնիկայով և այլ նյութական, ֆինանսական միջոցներով, ինչպես նաև ռազմական փոխադրումներով ապահովելուն վերաբերող տեղեկությունները, զորքերի տեղաբաշխումը, իրական անվանումները, կազմակերպչական կառուցվածքը, զինվածությունը, թիվը բացահայտող տեղեկությունները, որոնք ՀՀ միջազգային պարտավորություններին համապատասխան ենթակա չեն բաց հրապարակման։
Ամբողջական հոդվածը կարող եք կարդալ այստեղ:
