Hraparak.am-ը գրում է.

Աղվերանում անցած շաբաթ տեղի ունեցած հավաքը իմքայլականների համար հարթ չի անցել։ Մասնավորապես, արտահերթ ընտրությունների չգնալու Նիկոլ Փաշինյանի որոշումը, որը հետո ներկայացվեց «Իմ քայլի» անունից, դժգոհություններ է առաջացրել իշխող խմբակցության որոշ շերտերում։

Ոմանք հրապարակային խոսել են, ասել, որ արտահերթ ընտրությունները ուղղակի հրամայական են, անգամ չեն թաքցրել, որ այսօր իրենց նկատմամբ ֆիզիկական բռնության վտանգ են զգում ու պետք է վերջ դնել այս վիճակին։

Մեզ պատմեցին, որ հարցի քննարկման ընթացքում եւ անգամ դրանից հետո թեժ լեզվակռիվ է եղել արտահերթին «կողմ» եւ «դեմ» պատգամավորներից ոմանց միջեւ, եւ այդ ամենի հետեւանքը կարող է լինել այն, որ մի քանի պատգամավոր հայտարարեն խմբակցությունից դուրս գալու մասին։ Անգամ կոնկրետ թվի մասին են խոսում՝ երեքը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել