Panorama.am-ը գրում է.
«Մեկը դուռը չի խփել, ասել՝ երեխուդ տարել կորցրել ենք: Ի՞նչ պետություն, ի՞նչ ղեկավար: Մենք չունենք»,- կառավարության դիմաց լրագրողներին ասաց պատերազմի ընթացքում անհետ կորած զինծառայողի մայրը՝ տիկին Կիման:
Նա նշեց՝ իրենք չեն ապրում, իրենց ապրելը տառապանք է. «Ես եմ ու այդ մինուճար տղան: 28 տարի պահել, մեծացրել եմ, Նիկոլ, քո նմանների համա՞ր»:
Անհետ կորած զինծառայողի մոր պատմելով, տղաներին առանց հետախուզության, առանց զենք, ավտոբուսով տարել են Զանգելան ու հանձնել են, 7 կիլոմետր առաջ են տարել գրավյալ տարածք։
«Անխիղճորեն տարան, հանձնեցին, քանի որ առաջնագծում զոհեր չկային, ապացույցներ էին պետք, իրենց զոհեր էին պետք: Տարան ու մեր երեխաներին մատաղ արեցին թշնամու առաջ: Գեներալ Մակարյանը մեզ պատասխանեց՝ վրիպում է եղել: Վրիպումի պատճառով 40 երեխու կյանքի հետ խաղացին, նախիր էիք տանո՞ւմ: Բայց այսօր նստած է աթոռին ու չի դատվել: Հրամանատար Արսենը ողջ-առողջ տուն է եկել:
Բոլոր պատկան մարմիններին դիմել եմ, ոչ մեկին հետաքրքիր չէ, քանի որ իրենց երեխաները չեն: Իրենց երեխաները ջիպերով ման են գալիս: Այսօր աղքատի երեխաներն են կորել ու զոհվել իրենց նմանների համար, որ բարեկեցիկ կյանքով ապրեն:
Իրենց հետաքրքիր չէ անհետ կորած զինծառայողի մատղաշ երեխաներն ինչպես են ապրում: Տարած օրվանից աշխատավարձն էլ կտրել են»,- ասաց տիկին Կիման:
Ամբողջական հոդվածը կարող եք կարդալ այստեղ:
