Թուրքիան գործի անցավ՝ առաջ քաշելով Հայաստանի հետ սահմանը բացելու պատրաստակամությունը։
Թուրքիայի ԱԳ նախարար Մևլութ Չավուշօղլուն 2021 թ․ հունվարի 7-ին հայտարարել է, թե ժամանակն է վերջնական կայունություն բերելու մեր տարածաշրջանում և կարգավորելու հարաբերությունները նաև Հայաստանի հետ։
Առողջ տրամաբանության դեպքում, իհարկե, ցանկալի է Թուրքիայի հետ նորմալ հարաբերություն ունենալ, բացել սահմանները և ակտիվացնել տնտեսությունը։ Բայց․․․
Թուրքական ռազմավարական ծրագրերում Հայաստանը շարունակում է մնալ որպես իր պանթուրքիստական նպատակների խանգարող հանգամանք։ Զենքով չկարողանալով գրավել Հայաստանը, քանի որ դիմացը կանգնած է ռուսական գործոնը, Թուրքիան փորձում է տնտեսական էքսպանսիայով տիրանալ Հայաստանին։
Այդ վտանգի մասին վերջին տարիներին բազմիցս խոսել եմ։ Խոսել եմ նաև արցախյան երկրորդ պատերազմի բեմականացումից հետո (հղումն՝ այստեղ
Մեզ սպառնում է թուրքական տնտեսական էքսպանսիա՝ ներխուժում բիզնեսի միջոցով։ Մակերեսի մակարդակում դա գեղեցիկ է, գայթակղիչ ու փող բերող։ Խորքում մենք շատ արագ կորցնելու ենք այն, ինչ կարողացել ենք պահպանել։
Որքան խելամիտ և զգոն լինեն հայ ժողովուրդը և ՀՀ կառավարությունը, այնքան հեշտ կհաղթահարենք այդ սպառնալիքը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել