Pastinfo.am-ը գրում է․

«Հողերը տվեց վարչապետ կոչեցյալը, մեր արյան գնով պահած հողերը…Որոտանից 26 կմ ձգվող հողերը վերցրեց ու նվեր տվեց թուրքերին, Շուռնուխի կեսը տվեց, ամբողջ ճանապարհահատվածը տվեց: Ինք մենակ տալիս է…» , - ասում է Գորիսի քաղաքապետ Առուշ Առուշանյանը, «Փաստինֆո»-ի հետ զրույցում ադրադառնալով Հայաստանի հարավային սահմաններին՝ մասնավորապես Գորիսում և հարակից գյուղերում տեղի ունեցող սահմանազատման անհասկանալի թեմային:

Հարցին՝ տեղյա՞կ է արդյոք ի՞նչ փաստաթղթի հիման վրա է տեղի ունենում տարածքների հանձնման պրոցեսը, Գորիսի գյուղապետը պատասխանում է՝ տեղյակ չէ, իրենք որևէ փաստաթուղթ չեն տեսել. «Զինվորը տեղում է, ասեմ ավելին՝ պատրաստ է կռիվ տալով պահի արյունով վաստակած իր հողը, բայց հրաման չեն տալիս: Հիմա պատկերացրեք, թե ինչ վիճակում է այստեղ ապրող ժողովուրդը…», - ասում է Առուշ Առուշանյանը:

Անդրադառնալով երկուշաբթի Փաշինյանի՝ Սյունիք կատարվելիք աշխատանքային այցին թեմային, Գորիսի քաղաքապետ Առուշ Առուշանյանը պատասխանում է կարճ ու կտրուկ՝ թող գա Սյունիք ու կտեսնի, թե ոնց իրան կդիմավորենք…

Հեղինակ՝ Նվարդ Մանվելյան

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել