Օնիկ Գասպարյան, տեսա՞ր՝ Տիրան Խաչատրյանն ինչ աննախանձելի վիճակում հայտնվեց։

Հրապարակային զգուշացրել էի, չէ՞, թե ինչ է սպասվելու քո ու քո զինակիցներին, եթե սպասարկեք Փաշինյանի ներքաղաքական հետաքրքրությունները։

Այն նույն Տիրանը, ով մշտապես զինված ուժերի լավագույն հրամանատարներից է եղել, զինված ուժերի մոզգային կենտրոններից մեկը, երեկ վիրավորանքների, ճնշումների տարափի տակ էր։

Երբեք չէի ուզենա նրան այդ վիճակում տեսնեի, մեծ դժվարությամբ եմ մինչև վերջ ասուլիսը նայել։

Որպես ինձ բանակի մասնիկ համարող մարդ՝ շատ ծանր եմ տանում այս ամենը, բայց այս ամենը կատարվում է քո մեղքով, քո գիտությամբ, որովհետև դու, մեր գեներալիտետը ոչ միայն շարունակում եք հանդուրժել մեզ հայրենազրկած ոչնչությանը, այլ մեկը մյուսի հետևից զոհաբերում մեր զինվորականներին։

Պարոն գեներալ, վերաբերմունքս քո նկատմամբ լավ գիտես։ Նաև գիտես, որ միշտ անկեղծ եմ եղել։

Բայց հասկացիր, Նիկոլը մեկը մյուսի հետևից ոչնչացրել է մեր բոլոր ինստիտուտները, այս պահին ընթացքի մեջ է բանակի գործընթացը։

Կանխելու փոխարեն դուք եք ինքնաոչնչացման ռեժիմ միացրել՝ կատարելով դրա հրամաններն ու ցանկությունները։

Մեր հայրենիքի մի մեծ հատված արդեն կորցրել ենք, ինձանից լավ պատկերացնում եք, թե ինչ նոր անվտանգային սպառնալիքներ կան, թույլ մի տվեք, որ զինված ուժերը ոչնչացնի, ձեզ, մեր ընկերներին ստորացնի։

Սերունդների առաջ ի՞նչ պատասխան եք տալու։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել