«Իրականում այդ թղթով մենք ողջ Արցախն ենք փաստացի հանձնում թշնամուն, վաղը եղեք Ազատության հրապարակում». Հրանտ Մելիք-Շահնազարյան

Ուզում եմ՝ ինձ ճիշտ հասկանաք։ Խնդրում եմ մի պահ փորձեք կտրվել լրահոսից, բացեք Արցախի քարտեզը և տեսեք, թե ինչ է մեզ «մնալու» Փաշինյանի դավաճանության հետևանքով։ Ինչո՞ւ եմ «մնալ» բառը չակերտների մեջ վերցրել։ Մեկ պարզ պատճառով․ որովհետև իրականում այդ թղթով մենք ողջ Արցախն ենք փաստացի հանձնում թշնամուն։ Լսո՞ւմ եք` ՈՂՋ Արցախը։ Որովհետև այդ սահմաններով Արցախ գոյություն ունենալ չի կարող։ Ու այդ դավաճանական ծրագրի կյանքի կոչմանը մնացել է հիմա արդեն 4 օր։ Իսկ երեկ դեռ 5 օր ունեինք։

4 օր Հայրենիքը փրկելու համար։ 4 օր անց Դադիվանքի խորանը կպղծվի։ Մեր սրբությունը ոտքի կոխան կդառնա թշնամու համար։ Մեր արժանապատվությունը հողին կհավասարեցվի։ Եթե, իհարկե, այդ ընթացքում իրավիճակ չփոխվի։

Իսկ իրավիճակ հաստատ կփոխվի։ Պարտավոր ենք փոխել։ Դրա համար բոլոր այն մարդկանց, ովքեր հավատում են իմ խոսքին, խնդրում և պահանջում եմ` վաղը՝ 13։00-ին, եղեք Ազատության հրապարակում։ Վաղը լինելու է համազգային հանրահավաք։ Վաղը լինելու է ազգային-ազատագրական հանրահավաք։ Ու հենց վաղն է որոշվելու Արցախի ապագան։ Որովհետև առաջնագծի մեր տղերքը դեռ պահում են իրենց դիրքը։ Մենք էլ մեր դիրքը պետք է զբաղեցնենք։ Հավատացեք, սիրելի ընկերներ, սա զուտ խոսքեր չեն։ Սա մեր վերջին շանսն է։ Վաղը դավաճան իշխանության հարցերը պետք է լուծվեն։ Նորից եմ կրկնում` անդառնալի աղետին մնացել է ընդամենը 4 օր։

Հ.Գ. Խնդրում եմ հնարավորինս տարածել այս գրառումը։