Անհերքելի է, որ ԱՄՆ-ն ամենաուժեղ հարվածն է ատացել կորոնավիրուսից և նույնքան ուժեղ հարված էլ ստանում է Թրամփը: Եթե տնտեսությունը հնարավոր է վերականգնել, ապա 200.000 զոհերին չես վերադարձնի, և դեմոկրատները Թրամփին մեղադրում են վիրուսի դեմ ոչ պատշաճ և ոչ ճիշտ ժամանակին պայքարելու համար:

Թրամփը մեղադրվում է սկզբնական փուլում վիրուսի վտանգը թերագնահատելու մեջ: Ըստ դեմոկրատական մամուլի՝ Թրամփն ավելի շուտ է իմացել վիրուսի և դրա իրական վտանգի մասին, սակայն ժամանակին ճիշտ քայլեր չի ձեռնարկել՝ ըստ էության տապալելով պայքարը:

Իրավիճակը կարծես ավելի է խճճվել, երբ թեմայի մեջ է ներքաշվել «Ալերգիայի և ինֆեկցիոն հիվանդությունների ազգային ինստիտուտի» տնօրեն Էնթոնի Ֆաուչին: Երկրի «գլխավոր համաճարակաբան» Ֆաուչին, ում մասնագիտական գիտելիքները դեմոկրատները կասկածի տակ չեն առնում, լուրջ հակասություններ ունի Թրամփի հետ: Ամիսներ առաջ Թրամփը նրան ցանկանում էր աշխատանքից ազատել, ինչի պատճառով նախագահը հայտնվել էր դեմոկրատների ակտիվ կրակի տակ: Սակայն օրեր առաջ Ֆաուչին հայտարարել է, որ Թրամփը երբեք չի թերագնահատել կորոնավիրուսի իրական վտանգը:

Սա, իհարկե, դեմոկրատների համար հիմք չէ, և նրանք շարունակելու են Թրամփի ուղղությամբ լայնամասշտաբ հարձակումները, ինչն էապես թուլացնում է Թրամփին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել