Հարցերի պատասխաններից մշտապես խուսանավել և անհաջողություններն այլ մարդկանց վրա բարդելու ևս մեկ դրսևորում ․․․
Եվ այսպես, այսօր ԵՊԲՀ հոգաբարձուների խորհրդի նախագահ հարգարժան պարոն Արծրունին հարցադրում էր արել՝ թե ինչու չի օգտագործվել և օգտագործվում դեռևս մարտի 25-ից ԵՊԲՀ-ում առանձնացված մեկուսարանը, եթե այսօր օրհասական է մահճակալների քանակը մեր Երկրում, ինչպես նշվել էր ունենք 200 քաղաքացի, որոնց չենք կարողանում հոսպիտալացնենք․․․․
Առողջապահության նախարարի խոսնակը արձագանքել է պարոն Արծրունուն և գնահատական է տվել ԵՊԲՀ-ի աշխատանքին և գործունեությանը՝ մեղմ ասած գնահատելով անբավարար․․․ Ահա խոսնակի գրառումն ամբողջությամբ․ «Առաջին անգամը չէ, որ մենք ականատես ենք լինում Երևանի պետական բժշկական համալսարանի ներկայացուցիչների նման պահվածքին, մասնավորապես ՈՏՔ ԳՑԵԼՈՒՆ (подножка)՝ նախարարության ներկայացուցիչների և ԵՊԲՀ-ի միջև պայմանավորվածություններ ձեռք բերելուց հետո, այս կամ այն ծառայությունների մատուցման վերաբերյալ (Միքայելյան վիրաբուժության ինստիտուտում կովիդ բաժանմունքի հիմնում պետական բյուջեի միջոցների հաշվին, 1-ին հիվանդանոցում մեկուսարանների և փոքրաթիվ մահճակալների օգտագործում կովիդ-կասկածյալ և հաստատված պացիենտների համար)։ Նման գործելաոճն անընդունելի է պետական հիմնադրամի կողմից, հատկապես պետության համար վտանգավոր այս ժամանակաշրջանում, երբ կառավարությունը մոբիլիզացնում է իր բոլոր ռեսուրսները համավարակի դեմ պայքարում»։
Ինչպես նկատեցինք գրառման մեջ չկար գեթ մեկ խոսք թե ինչ խնդիրներից ելնելով նպատակահարմար չեն գտել օգտագործել մեկուսարանը, օրինակ կարելի էր ասել չի համապատասխանում պահանջներին, պետք չէ դեռ․․․․ բայց ոչ՝ Պետական կառույցի աշխատակիցն ավելի նպատակահարմար գտավ պարոն Արծրունուն պատասխանել «подножка» բառապաշարով համեմված գրառմամբ․․․ Ինչևիցե պահպանելով կոռեկտության զսպվածության և հարգանքի բոլոր կանոնները տիկին Նիկողոսյանին հորդորում եմ, խնդրում եմ և իհարկե պահանջում եմ այսուհետ մշտապես ԵՊԲՀ ներկայացուցիչների մասին խոսելիս լինի կոռեկտ, զուսպ ու հարգալից՝ դա առաջինը։ Երկրորդը, թե ինչ է արել և անում այս օրերին ԵՊԲՀ-ն, կարծում եմ գնահատական տալու ժամանակը կգա և այդ գնահատականը կտան համապատասխան պատկան կառույցները։ Եվ առհասարակ չեմ կարծում կոռեկտ է, երբ նախարարության խոսնակը գնահատական է տալիս որևէ կառույցի հատկապես ԵՊԲՀ-ի գործունեությանը, այդ գնահատականը տալու համար, հավատացեք բավականին երկար ճանապարհ պետք է անցնեք․․․
․․․ Հ,Գ․ Վահան Արծրունու նման տաղանդաշատ անձի մասին խոսելիս կամ առավել ևս գրառումներ անելիս շատ մտածեք ու երկար մտածեք,որ էլ երբևէ չվիրպեք!!!
Եվ ի վերջո, վերջում ամփոփենք այն ինչ ունենք այսօր Հայաստանում՝ ունենք 13130 վարակակիր, մահացել է 200 ՄԱՐԴ, այլ պատճառով մահացել է կորոնավիրուսով վարակված 72 մարդ, և ունենք ապաքինված 4014 ՄԱՐԴ․․․
Իրականում չգիտեմ թե ինչ չափորոշիչներով գնահատվում կառույցի աշխատանքը և բնականաբար ինձ իրավունք չվերապահեցի գնահատականներ տալ պարզապես ներկայացրեցի այն ինչ ունենք
Առողջություն, խոհեմություն ու բարոյականություն բոլորին
Կից նյութն՝ այստեղ
