Ադրբեջանի արտակարգ իրավիճակների նախարար Քյամալեդին Հեյդարովը ճանապարհային պատահարի պատճառ է դարձել:

Տեղական լրատվամիջոցները հայտնում են, որ նա երեկ երեկոյան ծառայողական ավտոմեքենայով Ազադլիգ պողոտայի եւ Բաքիխանովա փողոցի խաչմերուկում վթարի է ենթարկվել: Կադրերից երեւում է, որ Քյամալեդին Հեյդարովը 90 AA 900 պետհամարանիշների Mercedes մակնիշի ավտոմեքենայով երթեւեկել է կարմիր լույսի տակ եւ բախվել Maserati մակնիշի ավտոմեքենային, ինչի հետեւանքով բացվել են նրա ավտոմեքենայի անվտանգության բարձիկները:

Նախարարի թիկնազորը նրան անմիջապես նստեցրել է ավտոմեքենա եւ պատահարի վայրից տարել:

Քյամալեդին Հեյդարովը նշել է, որ պատահարի հետեւանքով չի տուժել:

«Դուք բոլորդ կադրերում տեսել եք: Ոչ ոք չի տուժել: Ինձ մոտ ամեն ինչ կարգին է: Ես ինձ լավ եմ զգում»,- ասել է նա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել