«Հայրենիք» զարգացման հիմնադրամի հոգաբարձուների խորհրդի նախագահ Արթուր Վանեցյանի գլխավորությամբ տեղի է ունեցել հիմնադրամի հոգաբարձուների խորհրդի նիստը։ Այս մասին տեղեկացնում է «Հայրենիք» զարգացման հիմնադրամի ֆեյսբուքյան էջը։
«Այսօր սկսում ենք մի շատ լավ գործ, որը միտված է լինելու մեր հայրենիքի զարգացմանը, մեր հայրենիքում տարբեր ծրարգրերի իրականացմանը, համոզված եմ, ձեր պրոֆեսիոնալիզմը եւ մարդկային հատկանիշները միայն ծառայելու են լավ գործեր իրականացնելու համար ի նպաստ մեր հայրենիքի, ի բարօրություն մեր ժողովրդի»,– ասել է Վանեցյանը՝ դիմելով հոգաբարձուների խորհրդի անդամներին։
Ի թիվս աշխատանքային մի շարք հարցերի հոգաբարձուների խորհուրդը քննարկել է ս․թ ապրիլի 23-ից 30-ը հայտարարված դրամաշնորհային մրցույթի հայտերը։ Դրամաշնորհային առաջին ծրագրիրն ընդգրկում է երեք ուղղություն՝ հեռավար դասընթացներ, հետաքննական լրագրություն և մարդու իրավունքների պաշտպանությունը արտակարգ դրության (ֆորս մաժորի) պայմաններում։ Ստացված շուրջ 70 հայտերից հոգաբարձուների խորհուրդն առաջին փուլով հավանության է արժանացրել 15 հայտ։ Դրամաշնորհային մրցույթի հաղթողները հայտնի կդառնան հայտերի երկրորդ փուլի քննարկումից հետո։
